Vottun hf.

  • Stækka leturstærð
  • Sjálfgefin leturstærð
  • Minnka leturstærð
Forsíða Fréttir
Fréttir af starfsemi Vottunar hf.

Öryggis- og umhverfisstjórnunarkerfi Strendings fær vottun

Senda í tölvupóst Prentvæn útgáfa Skoða sem PDF skjal

Strendingur ehf. verkfræðiþjónusta í Hafnarfirði fékk öryggis- og umhverfisstjórnunarkerfið sitt vottað samkvæmt alþjóðlegu stöðlunum ISO 45001:2018 og  ISO 14001:2015 þann 18. september 2020.  Strendingur var stofnaður 26. janúar 1995 og fæst við hönnun, ráðgjafaþjónustu á byggingarsviði, stjórnun verkefna, rannsóknir o.fl. Hjá fyrirtækinu starfa 13 starfsmenn. Öryggistjórnunarkerfinu ISO 45001 er ætlað að koma í veg fyrir slys meðal starfsmanna, viðskiptavina og almennings með markvissum áhættugreiningum, fyrirbyggjandi aðgerðum og vöktun. Með umhverfisstjórnunarkerfinu er unnið að því að draga úr umhverfisáhrifum bæði í eigin starfsemi og í hönnun lausna fyrir viðskiptavini. Strendingur er búinn að vera með vottað gæðastjórnunarkerfi samkvæmt ISO 9001 síðan 2010. Sjá nánar strendingur.is

Á myndinni má sjá Pétur Helgason úttektarstjóra hjá Vottun hf. afhenda Sigurði Guðmundssyni framkvæmdastjóra vottorðin. Auk þeirra eru á myndinni f.v. Gunnar H. Guðmundsson ráðgjafi frá 7.is, Hálfdan Þ. Markússon, Pétur V. Guðnason, Ásmundur Sigvaldason, Katrín Ágústsdóttir, Finnur M. Erlendsson, Jónas Ásbjörnsson, Karen Gylfadóttir, Arnar Hannes Halldórsson, S. Hjörtur Guðjónsson og Jóhann Kristinsson, starfsmenn Strendings.

 

Þjóðskrá Íslands jafnlaunavottuð

Senda í tölvupóst Prentvæn útgáfa Skoða sem PDF skjal

Í tilkynningu frá Þjóðskrá segir að í vottuninni felist að Þjóðskrá Íslands muni tryggja að öll kyn njóti sömu tækifæra til þjálfunar og frama og að starfsmenn séu metnir að verðleikum óháð kyni.

Vottun hf. sá um úttekt á jafnlaunakerfinu í ágúst og í kjölfarið fékk stofnunin afhent vottorðsskjal föstudaginn 13. september og var því fagnað í föstudagskaffi starfsmanna.

 

 

 

Gæðastjórnunarkerfi Rafarnarins fær vottun

Senda í tölvupóst Prentvæn útgáfa Skoða sem PDF skjal

Raförninn fékk gæðastjórnunarkerfi sitt vottað hjá Vottun hf. samkvæmt alþjóðlega gæðastaðlinum ISO 9001 þann 29. mars 2019. Raförninn ehf var stofnaður árið 1984 og og hefur sérhæft sig þjónustu og ráðgjöf með áherslu á læknisfræðilega myndgreiningu og aðra heilbrigðisþjónustu. Í fréttatilkynningu frá fyrirtækinu segir að þessi árangur sé uppskera mikillar og samstilltrar vinnu alls starfsfólksins og staðfestir að allir þættir í heildarstarfsemi Rafarnaris uppfylla kröfur staðalsins. Hjá fyrirtækinu starfa 15 starfsmenn. Sjá www.raförninn.is


Á myndinni sést Edda G. Aradóttir ásamt starfsmönnum  Rafarnarins taka við vottorðinu úr höndum Péturs Helgasonar úttektarmanns hjá Vottun hf.

 

Utanríkisráðuneytið fær jafnlaunavottun

Senda í tölvupóst Prentvæn útgáfa Skoða sem PDF skjal

Utanríkisráðuneytið hefur hlotið vottun á jafnlaunakerfi sitt. Á myndinni hér að neðan sést Guðlaugur Þór Þórðarson utanríkisráðherra taka við vottorðinu úr hendi Davíðs Lúðvíkssonar úttektarstjóra. Til vinstri við Davíð er Anna Ósk Kolbeinsdóttir mannauðs- og launafulltrúi og lengst til hægri á myndinni eru þau Sturla Sigurjónsson ráðuneytisstjóri og Berglind Bragadóttir stjórnarráðsfulltrúi.

 



Vottuð starfsemi

 

 

Upplýsingar um handhafa
gildra vottorða og umfang
vottana hjá Vottun hf.
fást á skrifstofu félagsins.


Vottun hf. —    NMÍ, Keldnaholti    —    112 Reykjavík    —    sími: 570-7200    —    fax: 522-9111    —    tp: vottun@vottunhf.is    —    kt: 590691-1439